Siglir tar il cuntegn

Header

Navigaziun

cuntegn

Chantun Concurrenza da projects duai purtar nova splendur a Bondo

Bondo duai puspè survegnir ina structura da vitg ed ina identitad suenter la bova da l'avust dal 2017. Per quest intent lantschan la vischnanca Bregaglia ed il chantun ina concurrenza da projects per reconstruir e proteger ils vitgs da Bondo, Sottoponte e Spino, quai communitgescha la regenza.

Bondo
Legenda: Cun reconstruir ils vitgs en Bregaglia vul la vallada turnar enavos tar la normalitad. Keystone

Tschertgads èn projects per la renovaziun da tscherts implants da rempars ed er stabiliments da traffic che s'integreschian optimalmain en il maletg dal vitg e da la cuntrada. Cun questa concurrenza vegn messa la basa per la reconstrucziun futura da las infrastructuras necessarias. L'incumbensadra è la vischnanca da Bregaglia. La procedura sco er l'ulteriura planisaziun e realisaziun vegnan fatgas en stretga collavuraziun cun il chantun.

Las bovas d'avant dus onns avevan destruì e donnegià vias, punts, il provediment e plirs bajetgs.

RR novitads 11:00