Confederaziun duai augmentar il corp da la guardia da cunfin

La confederaziun na duaja betg reducir il dumber da las guardias da cunfin en il Grischun, anzi, il corp duai vegnir augmentà.
Quai pretendan deputads dal Cussegl grond ed incumbenseschan la regenza d'inoltrar a l'assamblea federala in' iniziativa dal chantun correspundenta.

in guardia da cunfin stat sulet avant ina chasa Bild in Lightbox öffnen.

Legenda da maletgs: Betg reducir mabain augmentar ils persunal tar la guardia da cunfin. Keystone

Ina ferma guardia da cunfin saja tant pli impurtanta en vista als blers migrants nà dal sid argumenteschan ils deputads.
La Confederaziun sto spargnar cunquai ch'i vegn quintà ils proxims onns cun aut deficit structural. Cun il program da stabilisaziun 2017 - 2019 vul ins spargnar mintg'onn radund 60 milliuns francs. Quai mainia ad ina reducziun dal persunal sur dus onns da 500 fin 700 plazzas. Talas mesiras vegnian realisadas sin moda lineara uschia ch'i saja da spetgar ch'i dettia er ina reducziun dal persunal als cunfins svizzers. Uschia statti en l'incumbensa da la deputada Brigitta Hitz-Rusch (PLD).

Da spargnar tar il corp da guardia da cunfins saja negligent e pudessi manar bainspert a situaziuns precaras.

RR novitads 09:00