Il president da la regenza grischuna, Christian Rathgeb, visita quest onn tuttas conferenzas da las presidentas e dals presidents da las 11 regiuns. Sco quai ch'il departament da finanzas e vischnancas communitgescha stettian en il center da las visitas ils contacts persunals ed il barat vicendaivel davart la collavuraziun tranter vischnancas ed il chantun. Accumpagnà vegn Rathgeb da Thomas Kollegger, il manader da l'Uffizi da vischnancas.
Sco emprim visita Christian Rathgeb la regiun Landquart ils 17 da favrer e sco ultima l'entschatta zercladur la regiun Partenz/Tavau.
Il president da la regenza vegn sur tut ad infurmar a las conferenzas davart il rapport d'effect da la gulivaziun da finanzas. En quest rapport sa fatschenta la regenza cun ils instruments da la gulivaziun sco era la basa da datas. La regenza vul lura proponer las midadas necessarias. Plinavant duai il barat persunal pussibilitar da far a savair ils quitads ed ils basegns da las vischnancas.
RTR novitads 10:00