Siglir tar il cuntegn

Header

audio
Tra bun ina mesadad dals manaschis n'ha l'uffizi per la segirtad da victualias betg gì da reclamar, tar l'autra bain
Or da Actualitad dals 30.04.2021.
laschar ir. Durada: 04:36 minutas.
cuntegn

Controllas d'igiena Bunamain la mesadad dals manaschis han gì tscherts mancos

Tar las controllas fatgas il 2020 hai dà tar bun la mesadad dals manaschis neginas reclamaziuns. Quai è il punct da vista positiv. Igl è però era uschia, che bunamain la mesadad dals menaschis han gì puncts ch'èn vengids crititgads. I saja dentant da metter en relaziun quai, di Giochen Bearth, manader da l'uffizi per la segirtad da victualias.

Questas cifras mussan ch'i vegn controllà fitg detagliadamain. I na tanscha betg sche nus schain mo bun u betg bun.
Autur: Giochen Bearthmanader da l'uffizi per la segirtad da victualias.

Las controllas duessen gidar als ustiers ed a las ustieras da vesair nua ch'i pon anc sa meglierar .

Tenor las reclamaziuns vegnan ils manaschis partds en classas da privel, in enfin quatter. Dus menaschis èn vegnids en la classa 4. Quests manaschis èn vegnids serrads per immediat. La gronda part dils manaschis cun reclamaziuns è en la classa dus, numnadamain 30%.

Sch'insatge è en la classa dus n'è quai insumma nagin problem. Insatge ch'è en questa classa ha forsa ina documentaziun che maunca, quai n'ha dentant nagin'influenza sin la spisa en il taglier.
Autur: Giochen Bearthmanader da l'uffizi per la segirtad da victualias

Pervi da la pandemia saja stà pli grev da far las controllas dals manaschis, ha l'uffizi per la segirtad da victualias dal Grischun scrit en ina communicaziun. Uschia sajan vegnidas fatgas radund 150 controllas pli pauc che anc l'onn avant. Tar las quasi 2'400 controllas fatgas, hai dà tar passa 1'000 da quellas ina u pliras chaussas da reclamar.

Curt e cumpact

Avrir la boxSerrar la box

2020

  • 2'357 controllas da manaschis
  • 1'096 manaschis cun reclamaziuns (46.5%)
  • 1'261 manaschis senza reclamaziuns (53.5%)

2019

  • 2'498 controllas da manaschis (53.5%)
  • 1'174 manaschis cun reclamaziuns

RTR actualitad 17:00

Artitgels legids il pli savens

Scrollar a sanestra Scrollar a dretga