En il Grischun ha la Polizia chantunala retratg ad 11 persunas il permiss dad ir cun auto questa fin d'emna. Tar trais automobilists ha la polizia constatà ch'els n'eran betg abels da charrar. Latiers èn plirs automobilists vegnids denunziads.
Sin il Pass dal Fuorn è in automobilist englais vegnì mesirà cun 154 kilometers l'ura. La procura publica ha confiscà l'auto temporarmain. Il permiss ha l'Englais stuì dar giu e latiers pajar ina cauziun da 6'000 francs.
RR novitads 06:00