Siglir tar il cuntegn

Header

cuntegn

Controllas Manaschis grischuns sa tegnan bain vid las reglas

Da principi èn las vischnancas responsablas per controllar ch'ils concepts da protecziun en ustarias e stiziuns vegnan resguardads. Da la vart dal chantun datti controllas da l'inspecturat da lavur.

Ils manaschis grischuns protegian bain lur persunal dal coronavirus. Quai resulta da las radund 250 controllas che l’inspecturat da lavur dal Grischun ha fatg dapi la fin d’avrigl. Tuttas controllas sajan stadas bunas, ha ditg il president da la regenza grischuna, Christian Rathgeb:

audio
Christian Rathgeb: «Il resultat da las controllas è stà positiv»»
ord Novitads dals 12.05.2020. Maletg: Keystone
laschar ir. Durada: 17 Secundas.

Sch'ils concepts da schurmetg per exempel en ustarias u stizuns vegnan resguardads ston però las vischnancas controllar.

A Cuira controllescha la polizia da la citad

A Cuira vegnan represchentants da la Polizia da la citad ad ir a visitar las singulas ustarias che avran lur portas per giasts. «Nus n'avain betg uschè bler temp. A l'entschatta vegnin nus oravant tut a cussegliar ils gastronoms», hai num da la Polizia da la citad.

video
Visita da la polizia da Cuira
Or da Actualitad dals 12.05.2020.
laschar ir. Durada: 3 minutas 23 Secundas.

Per organisar las controllas datti differentas variantas. Las vischnancas pon dentant dumandar per sustegn tar la Polizia chantunala.

Samedan e Scuol: Malgrà che la controlla da las mesiras da protecziun en las ustarias e fatschentas è l'incumbensa da las vischnancas – a Samedan e Scuol han ins externalisà quest pensum a la Polizia chantunala. Quai perquai che las duas vischnancas n'han betg pli ina polizia communala.

Mustér: Naginas controllas proactivas vegnan fatgas a Mustér, sco quai ch'il scrivant da la vischnanca, Andri Hendry di. Talas vegnian a succeder casualmain sch'emploiads da la vischnanca visitan las ustarias. «Lura vegnan ins ad avair in egl avert e guardar co las mesiras vegnan realisadas», uschia Hendry.

Flem: Marco Maranta da l'uffizi da construcziun na vul betg discurrer da controllas. I saja plitost in agid – ins guardia sche las distanzas sajan circa correctas e respundia dumondas.

Surses: Anc ina giada auter sa preschenta la situaziun en il Surses. «Nus avain anc paucas ustarias che vegnan ad avrir», manegia il president da vischnanca Leo Thomman. Els sappian be da duas ustarias che avran insumma. Uschia na saja la suprastanza era anc betg sa fatschentada cun la dumonda da controllas.

audio
Tgi fa controllas per che las mesiras da corona vegnan resguardadas?
ord Actualitad dals 12.05.2020.
laschar ir. Durada: 2 minutas 11 Secundas.

RTR actualitad 12:00

Artitgels legids il pli savens