Eroplans na sgolan betg, cunfins èn per part serrads ed ils viadis en l'exteriur vegnan stornads. Quai dat bain massa lavur als biros da viadi, dentant las entradas per la lavur che sto uss vegnir fatga sco er las entradas futuras vegnan a mancar entant ch'ins na po betg ir en vacanzas.
Renate Rainbacher dal biro da viadi ATR-Tours a Scuol ha er gia stuì annunziar lavur curta e far diever dal credit d'agid da la Confederaziun.