Animals da chasa e biestga na pon betg s'infectar cun il coronavirus e vegnir malsauns. Uschia ch'els pon er betg infectar carstgauns cun il virus, di Giochen Bearth, il veterinari chantunal.
Tge che po dentant esser: Sco era sin ina sava d'isch ubain sin ina cuppina po il virus era «seser» sin in giat ubain sin in chaun – pia po l'animal esser contaminà cun il virus senza avair sez el.
Perquai saja impurtant da prender mesiras igienicas sco per exempel adina lavar e dischinfectar ils mauns cur ch'ins ha gì contact cun l'animal sco er betg prender el en il letg, avair nagin contact da bucca tar bucca cun l'animal, schubregiar dapli las cuvertas da letg ubain metter la cuppa da magliar da l'animal en la maschina da lavar e betg be schubregiar el cun aua fraida.
