Siglir tar il cuntegn

Header

audio
Cun trics empruvar da survegnir pli baud il vaccin
Or da Actualitad dals 04.03.2021.
laschar ir. Durada: 02:25 minutas.
cuntegn

Coronavirus Cugliunar per survegnir vaccin - quai datti er tar nus

Er en il Grischun datti persunas che cugliunan per survegnir pli baud il vaccin cunter corona. I dat singuls cas da persunas che na prendan betg uschè exact las prescripziuns tgi che dastga schar vaccinar, uschia la media chantunala Marina Jamnicki.

Radund 19'000 annunzias per laschar dar il vaccin cunter il coronavirus hai dà fin ussa en il Grischun. Las pli bleras annunzias èn correctas e legalas. Sco la media chantunala, Marina Jamnicki ha ditg al schurnal regiunal dad SRF dettia dentant er annunzias da persunas che n'han betg il dretg sin il vaccin. In fenomen ch'i haja spezialmain dà a Cuira.

A Cuira avain gì mintgadi in pugn plain tals cas.
Autur: Marina Jamnickimedia chantunala

I è cleramain perscrit tgi che survegn cura il vaccin. Sco emprim èsi vegnir vaccinar en las casas da tgira, actualmain survegnan persunas sur 75 onns e persunas cun malsognas cronicas il vaccin cunter il coronavirus. «Da controllar la vegliadetgna è pussaivel. Auter èsi magari tar malsognas cronicas.» Là n'èsi betg adina nair u alv, uschia Jamnicki. Perquai dettia glieud ch'emprovia da nazzegiar or la situaziun.

La media chantunala s'agita spezialmain cun las persunas ch'han il sentiment ch'i èn pli impurtantas che autras. I dettia deplorablamain è quella glieud, di Marina Jamnicki.

RTR actualitad 12:00

Artitgels legids il pli savens

Scrollar a sanestra Scrollar a dretga