Siglir tar il cuntegn

Header

cuntegn

Coronavirus en Grischun Dapli dumondas per lavur curta

Il coronavirus ha era effect sin l'economia grischuna. Uschia hajan 14 fatschentas fatg ina dumonda per introducir lavur curta tar l'Uffizi chantunal per industria, mastergn e lavur. Quai ha ditg il manader da l'uffizi Paul Schwendener:

Schwendener fa quint ch'annullaziuns d'occurrenzas e cudeschaziuns d'hotels ed era las stretgas da furnir ord la China hajan vinavant in effect negativ sin l'economia. Vul dir: ch'i dettia ulteriuras fatschentas grischunas che fetschian la dumonda per introducir lavur curta.

Regenza vul far tut per lubir lavur curta

Las mesiras dal chantun en vista al coronavirus – quai è stà il tema central da l'inscuter da la regenza grischuna cun represchentants da l'economia grischuna. Vitiers han la regenza e las associaziuns economicas discutà las consequenzas per l'economia. Per singulas branschas sajan las mesiras decididas difficilas, hai gì num da vart da l'economia grischuna.

La regenza haja tranter auter sincerà da vulair nizzegiar tut ses spazi per lubir lavur curta, scriva la chanzlia chantunala.

RTR novitads 17:00