Siglir tar il cuntegn

Header

audio
La problematica cun ils tests d'anticorpuls dal coronavirus
Or da Actualitad dals 01.07.2020.
laschar ir. Durada: 03:31 minutas.
cuntegn

Coronavirus Il segn da dumonda «immunitad» resta

Datiers da Nyon en la firma da start-up Quotient che vegn manada dal grischun Franz Walt, vegnan producids tests d'anticorpuls da corona. Pia quests tests che duain mussar, sch'ina persuna ha gia gì il virus, ed il corp uschia producì anticorpuls. «E quels gidan lura era en vista ad ina segunda unda d'avair ina meglra survista, ubain èn necessaris per testar vaccins», di Franz Walt. Dentant anc pli grond fiss il niz dal test, sch'ins savess sch'anticorpuls procuran tar las persunas che han els er per immunitad. Quai na sappian ins dentant anc betg, di Felix Fleisch, infecziolog da l'ospital chantunal dal Grischun.

Segunda unda porta segirezza

Il motiv è simpel: Enfin uss dettia quai anc memia paucs cas per pudair dir cun segirezza, sche persunas che han gia gì ina giada corona èn era immunas encunter ina segunda giada e per quant ditg. Felix Fleisch quinta dentant gia il proxim temp cun dapli resultats, perquai che pajais che han la segunda unda, sco per exempel la China ubain la Corea dal Sid sajan gia vid rimnar datas. Dentant enfin che l'immunitad na saja betg confirmada cusseglia el en mintga cas da – er sch'ins è testà negativ sin corona – d'esser vinavant precaut cun tegnair distanza.

RTR actualitad 07:00