Siglir tar il cuntegn

Header

Spengler Cup.
Legenda: Era il Spengler Cup a Tavau pudess esser pertugtgads dal scumond d'occurenzas grondas. Keystone
cuntegn

Coronavirus Scumond d'occurenzas grondas – forsa enfin la primavaira

Il scumond d'occurrenzas cun dapli che 1'000 persunas vala anc fin la fin d'avust. Tenor il «Tagesanzeiger» ponderescha il Cussegl federal da prolungar quel enfin il mars 2021. Actualmain vegnan ils chantuns consultads en chaussa. La regenza grischuna n'è anc betg sa fatschentada cun questa dumonda.

Il Cussegl federal examinescha trais variantas: La pli stricta prevesa ina cuntinuaziun dal scumond d'occurrenzas grondas enfin il mars 2021. La varianta in zic pli lucca cumpigliass la pussaivladad d'ina lubientscha speziala per occurrenzas cun dapli che 1'000 persunas. Era quest scenari cuntinuass enfin ils 31 da mars 2021.

La pussaivladad ch'il Cussegl federal abolescha il scumond a partir da la fin d'avust saja pervi da las autas cifras d'infecziuns pauc probabel, scriva il Tagesanzeiger e sa referescha sin insiders. Ina decisiun en chaussa vegn spetgada ils 12 d'avust.

Regenza grischuna na prenda (anc) betg posiziun

Actualmain vegnan ils chantuns consultads en questa dumonda. Sco il cusseglier guvernativ, Peter Peyer declera envers RTR, n'ha la regenza anc betg tractà la fatschenta. Be la posiziun da l'Uffizi da sanadad saja en il mument clera.

Per l'Uffizi da sanadad è la prolungaziun dal scumond raschunaivla. Quai dentant betg enfin la primavaira, mabain enfin la fin da l'onn. Il november fissi alura da giuditgar danovamain la situaziun.
Autur: Peter PeyerManader dal departament da sanadad

Dentant saja in tal scumond betg be da contemplar ord vista da la sanadad, mabain era ord vista dad auters aspects sco l'economia, il turissem u il sport.

Artitgels legids il pli savens

Scrollar a sanestra Scrollar a dretga