Siglir tar il cuntegn

Header

video
Bilantscha da l'acziun da vaccinar cunter Covid-19
Or da sil punct dals 16.07.2021.
laschar ir
cuntegn

Covid-19 en Grischun Finamira da vaccinaziun cuntanschida

50% da las Grischunas e dals Grischuns èn vaccinads cumplainamain. Il tempo da vaccinar ha dentant laschà suenter durant las davosas emnas. Cun simplifitgar il process da vaccinaziun vul l'Uffizi da sanadad grischun motivar cunzunt glieud giuvna da sa laschar vaccinar.

50% da las Grischunas ed dals Grischuns èn vaccinads. Uschia haja il chantun Grischun cuntanschì sia finamira da vaccinaziun per mez fanadur, di Rudolf Leuthold, il manader da l’Uffizi da sanadad dal chantun.

Jau sun cuntent cun il curs da vaccinaziun actual. Tge che inquietescha mai è ch'il dumber da persunas che vulan sa laschar vaccinar sminuescha.
Autur: Rudolf LeutholdManader da l'Uffizi da sanadad grischun

Ina gronda part da la glieud giuvna na saja anc betg vaccinada. Cunzunt sur las vacanzas da stad hajan blers stuschà lur termin da vaccinaziun.

audio
Il manader da l'Uffizi da sanadad chantunal è cuntent cun il stan da las vaccinaziuns
01:52 min, Actualitad dals 17.07.2021.
laschar ir. Durada: 01:52 minutas.

Motivar da sa laschar vaccinar

En vista a la quarta unda da corona, stuess 70% da la populaziun svizra esser vaccinada enfin l'atun. Cun il svilup da vaccinaziun actual na saja quai dentant betg pussaivel.

Per motivar la glieud da sa laschar vaccinar, vul l'Uffizi da sanadad grischun infurmar pli intensiv davart il virus, esser pli flexibel cun laschar eleger ora ils termins da vaccinaziun ed organisar dapli teams da vaccinaziun mobils per exempel en scolas autas.

Fin october duain tuts esser vaccinads

La finamira dal manader da l’Uffizi da sanadad è da vaccinar tut ils creschids enfin l’october da quest onn en il Grischun.

RTR novitads 17:00

Artitgels legids il pli savens

Scrollar a sanestra Scrollar a dretga