Siglir tar il cuntegn

Header

video
La strategia da testar fa effect
Or da Telesguard dals 07.05.2021.
laschar ir. Durada: 2 minutas 40 Secundas.
cuntegn

Covid-19 La strategia da testar mussa effect

Tenor ina analisa da l’Institut federal da controlla da material e da perscrutaziun Empa mussa la strategia da test effect. Quai scriva l’Uffizi da sanadad. Uschia saja la rata d’incidenza sa reducida, tut tenor branscha, per 20 fin 50% tar las persunas testadas. Ultra dals test han era las mesiras vertentas sco tegnair distanza, purtar ina mascrina e dischinfectar ils mauns gidà a franar la pandemia.

Ultra da la campagna da vaccinaziun che progredescha bain, sa basa il chantun Grischun sin testar repetidamain en manaschis ed en scolas. Uschia vegnan testadas passa 40'000 persunas per emna. Quai correspunda a var 30% da la populaziun mobila. La finamira saja dentant da testar anc daplirs. Cunzunt persunas giuvnas na cuntanschian els anc betg sco giavischà, di Martin Bühler dal stab directiv chantunal:

audio
Cuntanscher persunas tranter 16 e 30 onns
ord RTR Audio dals 07.05.2021.
laschar ir. Durada: 24 Secundas.

Dapi l’entschatta da favrer sajan vegnids evaluads 427'000 tests en il chantun. Durant il mais da zercladur duessan chantuns far occurrenzas da pilot per testar ils concepts da protecziun.

Manaschis participants profiteschan

Ultra da quai profitan ils manaschis participants da las facilitaziuns da quarantina. Uschia na ston collavuraturas e collavuraturs che han gì in stretg contact cun ina persuna infectada betg ir en quarantina. Ellas ed els pon lavurar vinavant, sch'ellas ed els n'han vinavant nagins sintoms e sch'ils tests fatgs durant 7 dis en il rom dals tests en ils manaschis, èn mintga di negativs. Cur che quests 7 dis èn passads, midan ellas ed els puspè al ritmus da test usità.

audio
Corona: facit da 8 emnas tests tar interpresas
ord Actualitad dals 07.05.2021.
laschar ir. Durada: 2 minutas 41 Secundas.

Ord l'archiv

Tests da corona da massa. Durant il project dal chantun Grischun duain vegnir testads l’entira populaziun da la regiun Malögia, Bernina ed Engiadina/Val Müstair.

video
Tests da corona da massa
Or da Giuventetgna dals 04.12.2020.
laschar ir. Durada: 1 minuta 33 Secundas.

RTR novitads 10:00

Artitgels legids il pli savens