Crear, chantar, giugar ubain sautar ils texts dal Premi Term Bel

Sonda saira han quatter artists la pussaivladad d'embellir mintgamai in text cun lur moda e maniera d'art. Quai en rama dals Dis da litteratura a Domat che avran per la 26avla giada sias portas.

Purtret da la reclama dals Dis da litteratura 2016 a Domat Bild in Lightbox öffnen.

Legenda da maletgs: dis da litteratura 2016 a Domat. Era quest onn han ils 26avels Dis Da Litteratura lieu a Domat. MAD/www.disdalitteratura.ch

Als dis da litteratura da quest onn datti la sonda saira ina creaziun da quatter artists rumantschs. I dat blers texts da leger e prelecziuns da tadlar, mo cun texts pon ins era far dapli che mo leger.

Exact quai ha il comité dals dis da litteratura pensà. Els han prendì dus texts che han gudagnà avant 10-15 onns il Premi Term Bel. Quels texts han els dà als quatter artists Mirko Baselgia (art liber), Sara Bienek (teater), Pascal Gamboni (musica) e Myriam Gurini (saut). Els quatter preschentan quels texts en lur moda e maniera, tenor lur dun artistic.

Co las differentas preschentaziuns guardan ora u tunan, pon ins udir questa sonda saira als dis da litteratura a Domat.

RR actualitad 17:00