Var 28% dals daners sajan ids a favur da l’Ospital chantunal a Cuira, 28% als ulteriurs ospitals e 29% a las clinicas da reabilitaziun e psichiatria. Ils ulteriurs daners, vul dir 8% èn ids a las chasas d'attempads e 3% a la spitex. Quai ha communitgà il manader da l’Uffizi da sanadad Rudolf Leuthold envers la FMR.
Tenor Leuthold sa basan questas prestaziuns dentant sin il dretg d'urgenza e na possian ord quest motiv betg vegnir prolungadas. Co vinavant suenter ch'il dretg va a la fin, na saja anc betg cler.
Ils daners sajan vegnids duvrads urgentamain, uschiglio fissan ils ospitals stads periclitads en lur existenza, ha ditg Daniel Derungs, il gestiunari da l'Uniun grischuna da chasas d'attempads ed ospitals envers la FMR. Bunamain tut ils ospitals, e per l'emprima giada er l'Ospital chantunal, hajan nudà l'onn passà in deficit.
Ord l'archiv:
