Siglir tar il cuntegn

Header

cuntegn

Criminalitad organisada Plan d'acziun er per il Mesauc

Per cumbatter la mafia e la criminalitad organisada aveva la Confederaziun decidì in plan d'acziun per il Tessin. Uss pretenda la regenza grischuna che quest plan vegnia er extendì sin il Grischun.

Gist plirs deputads dal Cussegl grond han fatg dumondas a la regenza en connex cun fatschentas fictivas en il Mesauc. Tranter auter han els pretendì ch'il plan d'acziun cunter la mafia e la criminalitad organisada che la Confederaziun ha decidì per il Tessin vegnia er extendì sin il Grischun. Er la regenza vul quai. L'emna proxima vegn ella a pretender da la Confederaziun d'extender quest plan er sin il Mesauc. Da cumbatter criminalitad organisada è in pensum da la Confederaziun e betg dals chantuns.

Evitar in spustament da firmas fictivas dal Tessin en il Grischun

L'idea è d'uschia meglierar il cumbat cunter firmas fictivas ed evitar che firmas che fan fatschentas illegalas sa spostan dal Tessin en il Grischun dal Sid. Ultra da quai ha l'Uffizi chantunal d'industria, lavur e mastergn intensivà las controllas. Las polizias sco er las procuras publicas dal Grischun e dal Tessin duain intensivar la collavuraziun per cumbatter mafia e firmas fictivas.

audio
Mezdi: Mafia en il Mesauc - situaziun
ord Actualitad dals 04.12.2019.
laschar ir. Durada: 2 minutas 36 Secundas.

RTR actualitad 12:00

Artitgels legids il pli savens