Siglir tar il cuntegn

Header

cuntegn

Crisa da corona Il Grischun dovra in bun flad, manegian ils economs da la UBS

Il Grischun tutga, ensemen cun il Vallais, Tessin e Schaffusa – tar quests chantuns che vegnan a duvrar il pli ditg per sa revegnir da la crisa da corona. Quai di in studi da la banca UBS. Ina da las raschuns è tenor il studi, ch'il Grischun tutga tar ils chantuns cun bleras interpresas pitschnas e fitg pitschnas. E la recessiun actuala saja ina crisa da las firmas cun pli pauc che 10 emploiads, scrivan ils economs da la UBS.

Chantuns che pon quintar da vegnir relativamain bain or da la crisa èn tenor il studi ils mezs-chantuns da Basilea ed il chantun Turitg.

Strusch da giuditgar sajan dentant las consequenzas a lunga vista da la crisa da corona per l'economia svizra – sco era per il svilup futur dals singuls chantuns, scrivan ils economs da la UBS.

«10vor10» sur da l'interess per credits da corona:

video
Credits da corona nizzegiads mo pauc
Or da 10 vor 10 dals 10.07.2020.
laschar ir. Durada: 4 minutas 25 Secundas.

RTR novitads 22:00

Artitgels legids il pli savens