Siglir tar il cuntegn

Chantun Cristals – lungurus u mega interessant?

Cristals en differentas furmas e da tuttas colurs. Per ils proxims bun quatter mais datti da vesair en il museum da la natira dal Grischun in’exposiziun speziala davart cristals.

Legenda: Guardar il video «Exposiziun da cristals». Durada 0:56 minutas.
Dals 29.09.2017.

50 cristals en differentas furmas e grondezzas, ed natiralmain era en differentas colurs datti da vesair il proxim temp en il museum da la natira dal Grischun. Paul Rustemeyer è responsabels per ils cristals. El ha chavà sin l’entir mund cristals. Uschia datti d’admirar en l’exposiziun cristals ord terras sco il Pakistan, l’Afganistan u la Brasilia. Ultra da quai datti d'admirar ina retscha da cristals da tumalin interessants dal Grischun. Tranter auter da la regiun da Cuira e da la Bregaglia.

Per el èn cristals insatge tut spezial che fascinescha. «L’entira vita sun jau s’occupads cun cristals».

L’exposiziun da cristals cul num «Kristallmagie – Verborgener Zauber dunkler Turmaline» dura fin ils 21 da schaner 2018.