Siglir tar il cuntegn

Header

cuntegn

Critica per Tagesgespräch Sclauder il rumantsch na va betg

Betg menziunar il rumantsch en ina emissiun davart la Svizra plurilingua - quai na va betg. Da quai avis n'è betg mo la Lia Rumantscha, ella survegn uss er raschun dal servetsch da mediaziun da la SSR.

Il servetsch da mediaziun da la SSR scriva en ses rapport final che l'emissiun Tagesgespräch dad SRF dals 8 da fanadur 2020 haja cuntrafatg al principi da objectivitad. L'emissiun che ha cuzzà var 17 minutas ha tematisà la plurilinguitad en Svizra senza menziunar ina giada il rumantsch. Perquai ha la Lia Rumantscha reclamà tar il servetsch da mediaziun. La resposta: I na dettia betg pli bler da menziunar tar la reclamaziun da la Lia. I saja stà dapli che mo in sbagl da sclauder il rumantsch e da betg menziunar il Grischun talian.

Tenor communicaziun saja la Lia Rumantscha cuntenta cun la posiziun dal servetsch da mediaziun. Sco ella scriva, aveva ella gì discurs constructivs cun la direcziun generala da la SSR e cun la redacziun da Radio SRF, perquai desista ella da sa drizzar a la proxima instanza.

RTR novitads 11:00

Artitgels legids il pli savens

Scrollar a sanestra Scrollar a dretga