Siglir tar il cuntegn

Header

cuntegn

Chantun Cudeschs rumantschs a Francfurt

La Chasa Editura Rumantscha preschenta per la settavla giada cudeschs rumantschs a la fiera da cudeschs a Francfurt. Quella ha lieu davent dals 19 enfin ils 23 d'october. Sper la reclama per ils cudeschs rumantschs è il barat cun autras persunas dal fatg impurtantas.

7'100 expositurs ord passa 100 pajais preschentan ovras a la fiera da cudeschs a Francfurt. Spitgads vegnan circa 275'000 visitaders. Ed entamez: cudeschs rumantschs.

Preschentar e barattar experientschas

La Chasa Editura Rumantscha (CER) preschenta otg ovras a Francfurt. Tras la preschientscha spera ella da pudair far reclama. Sco Anita Capaul la manadra da la CER di, saja dentant era impurtant da barattar experientschas cun autras persunas da la professiun. Ils emprims dis n'è la fiera numnadamain betg publica e sulettamain averta per editurAs sco era per schurnalistAs e sviluppaders da products novs.

Cudeschs rumantschs preschentads a Francfurt èn per exempel l'ovra «Alfons Tuor. Poesias» da Renzo Caduff, «Sez Ner» dad Arno Camenisch sco er il cudesch d'uffants «Il grond sgol da Marmottin» da Heinz Lüthi e Patrick Mettler.

audio
Saira: La chasa editura rumantscha a la fiera da cudeschs a Frankfurt
ord Actualitad dals 20.10.2016.
laschar ir. Durada: 1 minuta 41 Secundas.

Pliras chasas edituras vid in stan

Las ovras da la CER vegnan preschentadas vid il stan da Graubünden Books. A questa uniun fan part diversas chasas edituras dal Grischun. Uschia possian els partir ils custs per il stan, di Anita Capaul.

Artitgels legids il pli savens