Siglir tar il cuntegn

Header

video
Assagl sin la Banca Chantunala
Or da Telesguard dals 13.02.2020.
laschar ir. Durada: 2 minutas 22 Secundas.
cuntegn

Cuira Assagl sin la Banca Chantunala

En la Banca chantunala grischuna hai dà in assagl. Sco la polizia conferma, saja in um entrà enturn las 09:00 en la banca ed haja sajettà duas giadas, quai cun ina pistola d'alarm senza ch'insatgi saja vegnì blessà. La pistola d'alarm na saja tenor duas perditgas betg stada drizzada sin persunas.

El haja pretendì daners e saja fugì cun quels. Quai ha confermà il pledader da la Polizia chantunala, Roman Rüegg. La polizia ha entant pudì arrestar in um da 55 onns grazia indicaziuns da la populaziun curt avant las 09:30 en in local en la Reichsgasse a Cuira. La polizia ha era pudì segirar ils daners – plirs 10'000 francs.

In care team è s'occupà da las persunas ch'eran en la banca. Per la populaziun n'hai dà nagin privel. Sco la Banca Chantunala Grischuna communitgescha, resta la filiala sin la plazza da la posta a Cuira serrada l'entira gievgia.

video
Assagl sin la Banca Chantunala
Or da Giuventetgna dals 13.02.2020.
laschar ir. Durada: 1 minuta 17 Secundas.

RTR novitads 10:00+

Artitgels legids il pli savens