Siglir tar il cuntegn

Header

video
Squittas enstagl da partys en la halla da la citad a Cuira
Or da Telesguard dals 26.04.2021.
laschar ir
cuntegn

Cuira Center da vaccinaziun en halla da citad avra

Dapi sonda è la halla da la citad a Cuira in center da vaccinar. Per che persunas che lavurian possian profitar è quel er avert las sairas e la sonda.

Mintga di duain enfin a 1'700 persunas survegnir il vaccin en il nov center en la chapitala grischuna. En il medem mument pon 12 persunas vegnir vaccinadas. Mintga 5 minutas arrivan sis novas persunas en il center. A disposiziun stat cunzunt il vaccin da Pfizer/Biontech sco er pitschnas quantitads dal vaccin da Moderna. Sco la media chantunala Marina Jamnicki ed il manader medicinal dal center, Gianfranco Zala han declerà vinavant, cuzza l'entir parcours tranter 30 e 45 minutas. Quai dependia sch'ins veglia anc discurrer cun ina media u in medi.

Dapi ils 22 d'avrigl pon tuttas persunas a partir da 16 onns s'annunziar per survegnir la vaccinaziun. Responsabel per manar quest center da vaccinar è il stab da crisa dal chantun. Quel ha organisà medis e medias ch'èn gia en pensiun, persunal da tgira e persunal d'administraziun.

audio
En la halla da la citad vegn vaccinà tut a dubel
04:48 min, Sport ed actualitad dals 25.04.2021.
laschar ir. Durada: 04:48 minutas.

Las preparativas

En il Telesguard ha RTR rapportà da las preparativas en la halla da citad a Cuira:

video
Halla da la citad da Cuira daventa center da vaccinar
Or da Telesguard dals 20.04.2021.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga