Ultra da quai duai la citad elavurar in plan directiv e concept d'energia ed instradar ina locaziun da velos. 22 giuvenils e giuvens creschids tranter 13 e 23 onns èn sa participads a la sessiun. Sco quai ch'il parlament da giuvenils communitgescha saja vegnì debattà e discutà cun grond engaschi.
Michel Makhlouf nov president
Il parlament da giuvenils ha ha gì in program pulpì. In'ulteriura tractanda era l'elecziun dal successur da Pascal Pajic, il president. Il parlament ha elegì il vice president Michel Makhlouf sco nov president.
«Prix Jeunesse» 2016 per Silvia Hofmann
Hofmann – che maina il post da stab per l'egualitad da schanzas – ha survegnì il premi per ses project «parlament da mattas» e dastga sa numnar a partir dad immediat «purtadra dal premi Prix Jeunesse dal parlament da la citad da Cuira».
Il senn dal premi, ch'ins survegn per promover a moda e maniera speziala la giuventetgna en il Grischun, è da promover gist quai. Quest onn è il premi vegnì surdà per la segunda giada dal parlament da giuventetgna da la citad da Cuira.
Dasper Silvia Hofmann cun ses «parlament da mattas» era er anc nominà il comité d'organisaziun da la sessiun da giuvenils en il Grischun. Els eran nominads per lur engaschi per purtar pli da strusch a la giuventetgna la politica chantunala.
RR novitads 17:00