L'administraziun da la citad da Cuira ha ses emprim cas da coronavirus: Il cusseglier da citad, Patrik Degiacomi è vegnì testà positiv. Quai ha annunzià la citad da Cuira.
Famiglia en quarantina
Degiacomi è il schef dal departament da furmaziun, societad e cultura da la citad da Cuira. Gia tar ils emprims sintoms haja el resguardà las reglas cussegliadas e saja s’isolà consequentamain. El è sia famiglia sajan en quarantina e na bandunian betg l'abitaziun. Il mument sa sentia el bain e lavuria da chasa anora.
Suenter avair survegnì ils resultats dal test ha Patrik Degiacomi infurmà las persunas en ses conturn persunal e professiunal, sco era la magistraglia e las persunas che tgiran ils uffants.
Il stab da crisa corona ha decis da cuntinuar sia lavur, dentant da s’isolar consequent da auters collavuraturs e collavuraturas da l’administraziun municipala.
RTR novitads 11:00