Siglir tar il cuntegn

Chantun Cumissiun propona da refusar l’iniziativa da linguas estras

La maioritad da la cumissiun per furmaziun e cultura dal Cussegl grond propona al parlament grischun da refusar l'iniziativa «Mo ina lingua estra en la scola primara»,

Bajetg Cussegl grond.
Legenda: Suenter che la cumissiun per furmaziun e cultura è sa fatschentada cun l'iniziativa da linguas estras - vegn quella tractada il zercladur en il parlament. Keystone

La cumissiun per furmaziun e cultura a discutà la fatschenta. Ils avis en la cumissiun davart l’iniziativa sajan fitg differents, scriva il chantun. Suenter discussiun è la maioritad da la cumissiun suandada a la proposta da la regenza da refusar l’iniziativa. In dals arguments da refusar l'iniziativa è tranter auter che la pasch linguistica vegniss periclitada.

Ina minoritad less ina cuntraproposta

Ina minoritad da la cumissiun fa dentant ina cuntraproposta. Tenor lezza duai sulet ina lingua estra vegnir instruida en la scola primara, quai duai dentant esser stringentamain ina lingua chantunala. Il Cussegl grond tracta l'iniziativa en la sessiun da zercladur.

RR actualitad 10:00