Sco la cumissiun scriva, saja la societad sa midada ed il diever dals firads era. La revisiun da la lescha proponida da la regenza duai tegnair quint a quest svilup. Uschia duain esser lubidas en futur occurrenzas era durant ils firads che servan a la sanadad, la recreaziun, al sport u a la cultura.
Cun lubientscha speziala
Durant ils auts firads sco Nadal, Pasca, u la Rogaziun federala duain occurrenzas esser pussaivlas cun ina lubientscha speziala da la vischnanca.
Il Cussegl grond vegn a tractar la fatschenta en la sessiun d’avrigl.
RR novitads 9:00