Siglir tar il cuntegn
Inhalt

Chantun Cumissiun vul scumond da sa mascrar

Per pudair survegliar preventiv ed en il zuppà dovra il Grischun ina basa legala clera. Uss ha la cumissiun per giustia e segirezza dal Cussegl grond tractà las propostas che la regenza aveva fatg cun la revisiun parziala da la lescha da polizia.

Duas persunas mascradas.
Legenda: Cuntrari a la missiva propona ina maioritad da la cumissiun l'introducziun d'in scumond da sa mascrar. Keystone

Ina minoritad da la cumissiun refusa la pussaivladad da survegliar il spazi public cun l'identificaziun da persunas. Plinavant propona ina maioritad da la cumissiun d'introducir in scumond da sa mascrar. La cumissiun beneventa cleramain il sustegn expressiv per la collavuraziun tranter la polizia chantunala e las vischnancas.

Tgi duai approvar mesiras da surveglianza preventivas

In'ulteriura midada fa la cumissiun tge che pertutga l'autoritad d'approvaziun per tschertas mesiras da surveglianza preventivas. La regenza aveva proponì da surdar questa incumbensa a la dretgira administrativa. Ina maioritad considerabla propona dentant d'incumbensar la dretgira chantunala da mesiras repressivas per questa incumbensa.

La cumissiun propona al Cussegl grond d'approvar la revisiun cun pitschnas adattaziuns. Il Cussegl grond tracta la revisiun parziala da la lescha da polizia en sia sessiun d'avust.

RR novitads 09:00