Siglir tar il cuntegn

Header

In maun d'in um e divers buls.
Legenda: En Grischun hai cuntrari al svilup en Svizra dà il schaner dubel uschè blers cas d'insolvenza sco avant in onn. Maletg simbolic. Keystone
cuntegn

Cumpareglià cun avant in onn Dubel uschè blers cas da concurs en Grischun

En tut han il schaner 8 interpresas stuì annunziar insolvenza en Grischun. In onn avant eran quai be quatter firmas. Guardà sur l'entira Svizra è il svilup tar ils concurs d'interpresas dentant tut in auter.

Il schaner da quest onn han 8 interpresas en Grischun stuì annunziar insolvenza. Cumpareglià cun il schaner dal 2020, cura che 4 interpresas avevan stuì annunziar insolvenza, èn quai dubel uschè bleras. Quai mussan las novas cifras da l'interpresa da cussegliaziun Bisnode.

Da l'autra vart hai dà en Grischun in augment tar las fundaziuns da novas interpresas. Il schaner dal 2021 èn vegnidas registradas en il register da commerzi 94 novas interpresas per l'entir chantun. Quai èn 31% dapli che durant il schaner d'avant in onn.

Auter maletg per l'entira Svizra

Guardà sur l'entira Svizra paran las mesiras per mitigiar las consequenzas da corona da l'economia dentant da funcziunar bain. Il schaner han uschia en l'entir pajais 320 interpresas stuì annunziar insolvenza. Quai è passa in quart interpresas damain ch'anc avant in onn. Lura avevan 418 interpresas stuì annunziar insolvenza.

En l'entira Svizra hai percunter dà be in lev augment tar las fundaziuns da novas interpresas. Il schaner dals 2021 èn vegnidas registradas 3'727 novas interpresas en il register da commerzi. Quai èn be 17 dapli ch'avant in onn.

audio
Per tadlar: las novitads da las 08:00
04:03 min, RTR Audio dals 05.02.2021.
laschar ir. Durada: 04:03 minutas.

RTR novitads 08:00

Artitgels legids il pli savens

Scrollar a sanestra Scrollar a dretga