Ils davos onns datti adina dapli buccarias e quai vul dir adina dapli coss. E latiers vegn anc che las buccarias sa derasan pervia dal stgaudament dal clima adina pli fitg en regiuns pli autas. Perquai han ussa era quels da Siat la buccaria. Ed avant che la buccaria sgola, è il coss en la tiara e maglia las ragischs da l’erva. Prads brins, i na crescha nagut pli.
Mo i dat ina soluziun. In bulieu che mazza il coss. Per l’emprima giada è quest bulieu, che vegn gia duvrà davent da 20 onns en Svizra, vegnì cultivà en gronda quantitad er en il Grischun. Las experientschas cun il bulieu èn bunas. El po mazzar enfin 80% dals coss. Ina metoda ecologica che para da funcziunar.
Telesguard 17:40