Cun tartaruga «Pilo» en tschertga da giuvens lecturs

La Chasa Editura Rumantscha (CER) preschenta sia pli nova ediziun per uffants: «Pilo». L’istorgia da la tartaruga ch’è en tschertga d’amis vegn edida sco pitschen carnet tastgabel e cumpara en sis versiuns rumantschas.

Ina lindorna ed ina tartaruga dissegnadas e herzigas. Bild in Lightbox öffnen.

Legenda da maletgs: Pilo e ses ami - la cuverta dal nov carnet per uffants. mad

Pilo è tut sulet. Gia daditg è el en tschertga d’in ami. Ma per ina raschun u l’autra na vegn el betg acceptà. Per fortuna inscuntra el in ed els dus sa mettan ensemen e daventan buns amis.

«Pilo» raquinta da l'esser auter, da betg vegnir acceptà, ma era d’amicizia. L’autura Silvana Prinz-Filli da Samignun ha stgaffì in’istorgia simpla. Las illustraziuns èn vegnidas fatgas da l’illustratur Rolf Giger. In carnet pitschen e pratic che ha plaz en mintga tastga, en mintga charrotscha d’uffants u perfin en la giaglioffa.

La vernissascha da «Pilo» vegn ad esser durant ils Dis da Litteratura.