Siglir tar il cuntegn

Header

cuntegn

Cunter la crisa Chantun stgaffescha in fond da 10 milliuns francs

Per mitigiar cas gravants economics pervi da la crisa da corona ha il chantun Grischun creà in fond da 10 milliuns francs. L'agid saja quintà per interpresas pitschnas cun ina svieuta annuala da maximal 2,5 milliuns francs, communitgescha la regenza.

Malgrà tut l'agid da chantun e Confederaziun en connex cun il coronavirus vegnia a dar interpresas che sajan pertutgadas pli ferm. Perquai duain talas interpresas pitschnas pudair profitar da questas contribuziuns à fond perdu.

Tgi survegn ils daners?

La regenza ha fixà reglas per reparter ils 10 milliuns francs:

  • L'interpresa sto avair la sedia en il Grischun
  • Ella dastga far ina svieuta annuala da maximalmain 2,5 milliuns francs
  • La contribuziun maximala pro interpresa è limitada sin 30'000 francs
  • In'interpresa sto render vardaivel, pertge ch'ella è pertutgada spezialmain fitg da la crisa da corona.

Gia ussa sustegnan chantun e Confederaziun l'economia durant la crisa cun per exempel indemnisaziuns per lavur curta, indemnisaziuns da la perdita da gudogn ed agids da liquiditad.

RTR novitads 10:00

Artitgels legids il pli savens

Scrollar a sanestra Scrollar a dretga