Siglir tar il cuntegn

Header

cuntegn

Cuntrari a chantun Berna Occurenzas grondas n'èn il mument betg en privel

Il mument saja quai nagin tema da puspè scumandar occurenzas grondas cun passa 1'000 persunas, quai di il minister da sanadad Peter Peyer. Enfin uss n'hajan els betg constatà problems tar events gronds. Quels hajan buns concepts da protecziun e sa tegnian a moda professiunala vid quels. Uschia che Peyer vesa nagin basegn da decider sco il chantun Berna, ch'ha la fin d'emna puspè scumandà occurenzas cun passa 1'000 persunas.

audio
Tenor Peter Peyer na datti il mument nagin scumond d'occurenzas grondas
ord Actualitad dals 21.10.2020.
laschar ir. Durada: 3 minutas 19 Secundas.

Nagina garanzia

Sche quai restia uss uschia ils proxims mais, quai sappia dentant nagin dir. Ins haja vis las ultimas emnas, tge dinamica che la situaziun po survegnir. Uschia possia nagin garantir uss in'occurrenza ch'è pir en intgins mais.

Tgi che dovra ina garanzia fa meglier da betg organisar ina occurrenza gronda. Garanzia per realisar datti numnadamain nagina.
Autur: Peter Peyer Minister da sanadad

Uschia na sappian ins er betg dir, sch'il HCD possia giugar l'entira stagiun avant fans u sch'ina occurrenza sco il maraton da skis da l'Engiadina possia lura er vairamain avair lieu, uschia Peyer. Sco ils organisaturs da la cursa da passlung populara han communitgà, sajan els il mument vid elavurar in concept da protecziun, per garantir la segirtad per participantas e participants.

RTR actualitad 12:00

Artitgels legids il pli savens