Cura vegn la taxa al Pass dal Stelvio?

L’onn 2011 ha la regenza dal Tirol dal Sid decidì da principi d'introducir ina taxa stradala per il Pass dal Stelvio. Enfin ussa na datti dentant nagina taxa.

Tabla al pass dal Stelvio cun in num Passo dello Stelvio, Cima Coppi, m. 2760. Bild in Lightbox öffnen.

Legenda da maletgs: La regenza dal Tirol dal Sid quinta che la taxa al Pass dal Stelvio vegn ad esser introducida il pli tard il 2017. rtr/dm

Il Tirol dal Sid tschertga ina soluziun communabla cun la vart lumbarda e cun la vart svizra. La regenza dal Tirol dal Sid quinta che la taxa vegn ad esser introducida il pli tard il 2017, forsa gia il 2016.

Consequenzas per la Val Müstair

La taxa per il Pass dal Stelvio pudess manar a dapli traffic en la Val Müstair. Da vart svizra teman ins che motociclists ed automobilists pudessan guntgir via Pass Umbrail per betg stuair pajar la taxa. Ina soluziun pudess esser da pretender medemamain ina taxa per il Pass Umbrail. La lescha svizra na prevesa dentant betg questa pussaivladad. Tar la regenza grischuna n’è la taxa per il Pass dal Stelvio il mument anc nagin tema.