Siglir tar il cuntegn

Chantun Curs dad 1 tar 1 per bigliets al tunnel dal Veraina

La Viafier retica introducescha in curs dad 1 tar 1 sch’ins paja bigliets cun euros.

Automat da bigliets
Legenda: Pajar bigliets en euros na sa cunvegn betg. Keystone

Dapi ils 17 da schaner vala al tunnel dal Veraina il curs dad 1 tar 1 per pajaments bar cun euros. In bigliet che custa 43 francs, custa uschia l'osp che paja cun euros 43 euros, entagl da radund 40 euros cun il curs actual dad 1 franc e 7 raps.

Tenor Yvonne Dünser, pledadra da medias da la Viafier retica saja il curs al Veraina vegnì adattà enemen cun quel da tut ils automats da bigliets en l'entira Svizra. Il curs vegnia adattà uschè spert che l'euro saja sa stabilisà. Per pajaments cun carta valia il curs dal di.