Siglir tar il cuntegn

Header

cuntegn

Curtin da clima 2085 Tgi surviva e tgi mora fin l'onn 2085

Tge effect ha l'augment da la temperatura per nossas plantinas e verduras indigenas? Quai è ina da las dumondas che vegnan intercuridas tar in experiment da la scola media evangelica a Schiers.

audio
Bunura: Midada dal clima – Tge surviva e tge mora fin il 2085?
ord Actualitad dals 19.06.2019.
laschar ir. Durada: 3 minutas 20 Secundas.

La situaziun actuala è clera: Sche nus na reducin betg entaifer ils proxims 65 onns nossa producziun da CO2, s'augmenta la temperatura massivamain. I vegn discurri da 3°C enfin 6,5°C pli chaud che mumentan. Per guardar co nossas plantinas indigens reageschan sin questas temperaturas nunusitadas ha la scola EMS a Schiers installà duas chasettas da vaider da mintgamai 2,5m².

Duas chasettas – duas temperaturas

En l'emprima chasetta da vaider èsi 3°C pli chaud che normal durant quai temp en il Grischun – pia 26°C. En l'autra èsi per 6,5°C pli chaud – pia 30°C. Vitiers vegn la mesadad da las plantinas bagnadas 5 giadas ad emna, e l'autra mesadad mo 3 giadas.

Sut questas differentas cundiziuns creschan las plantinas e verduras indigenas. Il resultat, tge plantinas che creschan lura pli pauc, u insumma betg, pon ins guardar en las proximas emnas a Schiers avant las scola media evangelica.

Tar las fotografias sutvart pon ins vesair insaquantas differenzas, gia suenter duas emnas.

RR actualitad 07:00

«Missiun B» – per dapli biodiversitad

Avrir la box Serrar la box

Artitgels legids il pli savens