Siglir tar il cuntegn

Header

Il 2020 il pli aut Grischun: Alessandro Della Vedova.
Legenda: Per in onn il pli aut Grischun: Alessandro Della Vedova (PCD). RTR, Prisca Bundi
cuntegn

Cussegl grond Alessandro Della Vedova pli aut Grischun

Alessandro Della Vedova (PCD) è il nov president dal Cussegl grond e cunquai il pli aut Grischun. El è vegnì elegì cun 107 da total 110 vuschs sco successur da Tina Gartmann-Albin (PS). Sco vicepresident è vegnì elegì Martin Wieland – deputà liberaldemocratic e president communal da Tumein.

Alessandro Della Vedova è dapi l'onn 2010 per la Partida cristiandemocratica en il Cussegl grond. L'onn passà avess l'um da 49 onns gugent candidà per la regenza - la partida è dentant sa decidida da trametter Marcus Caduff en la cursa. Medemamain l'onn passà ha Alessandro Della Vedova stuì magunar ina terrada: Il settember n'è el betg pli vegnì reelegì sco president communal da Poschiavo. Ses uffizi ha surpiglià Giovanni Jochum (PLD). Dapi quest onn lavura el sco mainafatschenta da la Caritas dal Grischun.

Alessandro Della Vedova

Avrir la boxSerrar la box
  • 49 onns
  • maridà e bab d'ina figlia
  • oriund dal Puschlav
  • mainafatschenta Caritas Grischun
  • emprendissadis sco scrinari-artist e scrinari
  • scolaziun sco maister scrinari
  • studi d'architectura d'interiurs a Milaun
audio
Intervista cun Alessandro Della Vedova (per rumantsch)
ord Actualitad dals 28.08.2019.
laschar ir. Durada: 3 minutas 19 Secundas.

Sco vicepresident dal Cussegl grond han deputadas e deputads elegì Martin Wieland (PLD). Il politicher da 62 onns è enconuschent sco president communal da Tumein ed ortulan. Plinavant candidescha il liberaldemocrat per in sez en il Cussegl naziunal.

Resultats da las presidentas e dals presidents dal Cussegl grond

ElecziunNumLieuPartidaVuschs survegnìVuschs valaivlas
2018Tina Gartmann-AlbinCuiraPS115117
2017Martin AebliPuntraschignaPBD109110
2016Michael PfäffliSt. MoritzPLD104110
2015Vitus DermontLaaxPCD109110
2014Duri CampellCinuos-chelPBD113116
2013Hans Peter Michel
DavosPLD111113
2012Elita Florin-Caluori
BonaduzPCD101111
2011Ueli Bleiker
RothenbrunnenPBD113115
2010Christina Bucher-Brini
ChurPS110113
2009Christian Rathgeb
ChurPLD111112
2008Corsin Farrér
StiervaPCD105112
2007Leo Jeker
ZizersPBD118118
2006 Agathe Bühler-FlurySchiersPLD112117
Remo Cavegn gratulescha ad Alessandro della Vedova (dretg).
Legenda: Remo Cavegn gratulescha ad Alessandro della Vedova (dretg). RTR, prisca Bundi

RR novitads 15.00

Artitgels legids il pli savens