Siglir tar il cuntegn

Header

Cussegl grond.
Legenda: L'intent da la conferenza da presidents: Rinforzar la legislativa envers l'executiva. RTR, Nadja Cadonau
cuntegn

Cussegl grond atun 2019 Da 56'000 sin 120'000 francs – dapli raps per la legislativa

Dapli raps per la lavur da las fracziuns en il Cussegl grond – quai pretenda la conferenza dals presidents da fracziuns dal Cussegl grond. Per quest intent veglia la conferenza da presidents reveder ina part da l’urden da gestiun dal Cussegl grond.

Quai resorta dal rapport da la conferenza, ch’è vegnì publitgà ensemen cun ils ulteriurs documents per la sessiun d’atun 2019 dal Cussegl grond.

Da 56'000 sin 120'000 francs

56'000 francs per indemnisar la lavur da las fracziuns na bastia pli, scriva la conferenza da presidents. La lavur vegnia pli e pli cumplexa e perquai stoppia quai dar dapli raps. Ella vul augmentar l’indemnisaziun per mintga fracziun da 4'000 sin 12'000 francs e l’indemnisaziun per deputda o deputà da 300 sin 500 francs.

La situaziun actuala en Grischun en cifras:

Personen-Box aufklappenPersonen-Box zuklappen

Il parlament grischun survegn in’indemnisaziun da totalmain 56'000 francs ad onn. Quella summa sa cumpona dad in fixum per fracziun ed in per deputada u deputà:

GR: fixum da 4'000.-/onn per fracziun e 300.-/onn per deputada u deputà.

En Grischun signifitga quai parti si tenor fracziuns:

  • fracziun PLD 14'800.-
  • fracziun PCD 13'000.-
  • fracziun PBD 10'900.-
  • fracziun PS 9'700.-
  • fracziun PPS 6'700.-
  • singuls (3 PVL) 900.-

(cifras 2018)

La proposta nova per il Grischun en cifras:

Personen-Box aufklappenPersonen-Box zuklappen

La proposta che la conferenza da presidents da las fracziuns fa per mauns da la sessiun dal Cussegl grond prevesa:

GR: fixum da 12'000.-/onn per fracziun e 500.-/onn per deputada u deputà

En Grischun signifitga quai parti si tenor fracziuns:

  • fracziun PLD 30’000.-
  • fracziun PCD 27'000.-
  • fracziun PBD 23’500.-
  • fracziun PS 21’500.-
  • fracziun PPS 16’500.-
  • singuls (3 PVL) 1’500.-

Ils raps hajan da vegnir duvrads exclusivamain per la fracziun. I na sa tractia betg dad ina finanziaziun da partidas, punctuescha la conferenza en ses rapport.

Be ils auters survegnan dapli raps

En pli argumentescha la conferenza da presidents che las resursas en Grischun vegnian trapartidas da maniera unilaterala a favur da l’administraziun chantunala. Il Cussegl grond na possia uschia betg «nizzegiar bain avunda il spazi tar sia lavur sco legislativa».

Per rinforzar si’argumentaziun ha la conferenza da presidents retschertgà la situaziun en auters chantuns. Quella confermia lur argumentaziun : Er en auters chantuns survegnissan ils parlaments dapli raps per pudair lavurar meglier ed a cas er consultar experts externs sco sustegn.

Il Grischun en in congual svizzer:

Personen-Box aufklappenPersonen-Box zuklappen

En ses rapport argumentescha la conferenza da presidents cun exempels dad auters chantuns – quai èn tranter auters:

  • SZ: fixum da 4'000.-/onn per fracziun e 200.-/onn per deputada u deputà
  • GR (actual): fixum da 4'000.-/onn per fracziun e 300.-/onn per deputada u deputà
  • VS: fixum da 6'000.-/onn per fracziun e 3'500.-/onn per deputada u deputà
  • GR (tenor proposta): fixum da 12'000.-/onn per fracziun e 500.-/onn per deputada u deputà
  • LU: fixum da 15'000.-/onn per fracziun e 1’000.-/onn per deputada u deputà
  • BE: fixum da 24'000.-/onn per fracziun e 3'500.-/onn per deputada u deputà
  • ZH: fixum da 40'000.-/onn per fracziun e 2’800.-/onn per deputada u deputà

RTR rapportaziun actuala