Cussegl grond: Da decisiuns enfin ad ils muments leghers

Dapi mesemna las 14:00 enfin la sonda a bun’ura las 08:45 ha il Cussegl grond debattà, discutà e prendì decisiuns. En tantas uras da debatta datti dentant adina puspè era muments leghers – sgnoccas u in u l’auter lapsus linguistic.

Ils deputads en la sala dal Cussegl grond. Bild in Lightbox öffnen.

Legenda da maletgs: Ils deputads en la sala dad il Cussegl grond. RTR, Sabrina Bundi

Durant la sessiun vargada ha il Cussegl grond...

  • elegì a Michael Pfäffli sco ses president.
  • fatg ina revisiun parziala da la lescha da persunal per emploiads dad il chantun. Da nov decida il Cussegl grond dad onn tar onn per quant che las pajas pon vegnir auzadas.
  • elegì a Davide Pedrotti sco nov commember da la dretgira chantunala. Norbert Brunner è vegni reelegì sco president per la perioda d'uffizi 2017 enfin 2020.
  • decidì, che tut las vischnancas duain pajar tuttina bler per fugitivs minorens. Vul dir che vischnancas cun blers fugitivs na ston betg pli surpigliar tut ils custs e vischnancas senza fugitivs ston pajar ina cumpart ord solidaritad.
  • dat glisch verda che la fusiun da Grono, Leggia e Verdabbio en il Mesauc po ir en vigur sin l'entschatta dal 2017. La vischnanca nova ha num Grono.
  • decidì la revisiun totala da la lescha per sanadad. Il punct il pli dispitaivel era da schluccar il scumond da fimar. Suenter ina discussiun en lung ed en lad ha il Cussegl grond decìdi cun gronda maioritad da laschar il scumond da fimar uschia sco el è.
  • decidì, ch'il Uffizi per la natira ed l'ambient resta en il departament per la protecziun da l'ambient. Ina incumbensa vuleva spustar el en il departament per economia.

Lapsus linguistics ed auter legher...

Igl è vegnì discutà e debatta uras a la lunga e cler ch'i ha durant questas discussiuns er dà entgins muments umoristics, in u l'auter lapsus linguistic u era sgnoccas.

Qua pudais udir che politica po er esser legra.