Siglir tar il cuntegn

Header

cuntegn

Cussegl grond Dapli integraziun per possessurs da segundas abitaziuns

La regenza Grischuna duai elavurar in pachet da mesiras per integrar meglier possessurs da segundas abitaziuns.

Ils possessurs da segundas abitaziuns portian innovaziun, gidian da mantegnair structuras en ils vitgs per exempel cun cumprar tar il pasterner ubain mazler, dovrian pendicularas e sajan interessads vid la cultura – perquai duai la regenza elavurar in pachet da mesiras che mussia, co possessurs da segundas abitaziuns sappian vegnir integradas meglier en las vischnancas. Uschia han las deputadas ed ils deputads argumentà cun sustegnair Oliver Hohl da la PBD che ha inoltrà l'incumbensa a la regenza. Ses intent è vegnì sustegnì unanimamain.

La regenza ha dentant dà da ponderar che quai saja cunzunt il pensum da las vischnancas e da las destinaziuns d'integrar meglier ils possessurs da las segundas abitaziuns, il chantun duai pir lura vegnir activ sche las vischnancas dumonda el per agid.

audio
Per tadlar: Las novitads da las 12:00
ord Novitads dals 19.06.2020. Maletg: RTR
laschar ir. Durada: 5 minutas 14 Secundas.

RTR novitads 12:00

Artitgels legids il pli savens