Siglir tar il cuntegn

Header

cuntegn

Cussegl grond Deplazes e Thöny sa retiran

Gist dus deputads socialdemocratics sa retiran dal Cussegl grond: Andreas Thöny da Landquart e Beat Deplazes da Cuira.

Thöny è stà 14 onns deputà e surpiglia uss ils servetschs socials da la citad da Cuira. Per el vegn Jeanette Bürgi-Büchel da la PCD Tschintg Vitgs. L’onn 2017 era el ì en il cumbat intern da la PS per pudair candidar per la regenza grischuna – aveva dentant pers cunter Peter Peyer.

Beat Deplazes demissiunescha suenter 6 onns – perquai ch’el na veglia betg pli impunder tanta lavur en la politica. Beat Deplazes è enconuschent sco president dal WWF Grischun.

Ord l'archiv:

Il 2018 ha RTR fatg il Kikeri6 cun politichers en vista a las elecziuns, da la partida è er stà Beat Deplazes.

video
Il Kikeri6 cun Beat Deplazes da Cuira da la PS
Or da Telesguard dals 24.05.2018.
laschar ir. Durada: 3 minutas 28 Secundas.

RTR novitads 11:00

Artitgels legids il pli savens