La sessiun d'avrigl dal Cussegl grond è danovamain a Tavau. Quai communitgescha la Chanzlia chantunala dal Grischun. La situaziun actuala da la pandemia na lubeschia vinavant betg ina sessiun en la sala dal Cussegl grond a Cuira. Perquai ha la Conferenza da presidentas e presidents dal Cussegl grond decidì da realisar per la terza giada la sessiun a Tavau.
Ils concepts da segirtad da las sessiuns da december e favrer sajan sa cumprovads ed il center da congress a Tavau porschia plaz avunda per ina sessiun segira.
La sessiun d'avrigl 2021 dura 3 dis, dals 19 fin ils 21 d'avrigl 2021.
audio
Per tadlar: Las novitads da las 12:00
ord RTR Audio dals 23.03.2021.
laschar ir. Durada: 5 minutas 26 Secundas.