Siglir tar il cuntegn

Header

audio
Far politica sin distanza en Halla da la citad
Or da Actualitad dals 16.06.2020.
laschar ir. Durada: 02:42 minutas.
cuntegn

Cussegl grond Far politica va er sin distanza

Tranter mintga sutga hai distanza, ils collegas a dretga ed a sanestra èn dus meters davent. Ed uschia na pon ins er betg dumandar spert tranter las retschas da deputadas e deputads, tge che auters pensan da quai e da tschai.

E quai manca suenter las emprimas uras en la halla da la citad da Cuira – che serva sco suttetg temporar per il parlament – er in zic als deputads: «Gea, jau tschantschass gugent magari cun mes collegas dretg e sanester», di Gabriela Tomaschett da la PCD. Dentant il positiv vid la distanza saja, «ch'jau hai uschia almain plaz avunda per mia mappa».

Ed er il salidar in l'auter è stà in zic curius. «Per mai èsi insatge fitg persunal da dar il maun in a l'auter, ed uss stuain nus far quai insaco auter», di per exempel Urs Marti da la PLD. Pascal Pajic da la PS emprova da salidar ils collegas cun in surrir e lascha en sasez plaschair la nova sala da debattar. Quella portia cunzunt era schanzas: «Per exempel pon ins questa giada suttascriver moziuns electronicamain, quai fiss er ina schanza per las proximas sessiuns.»

RTR actualitad 07:00

Artitgels legids il pli savens

Scrollar a sanestra Scrollar a dretga