Cussegl grond - Fixà las finamiras enfin 2024 - Novitads

Cussegl grond Fixà las finamiras enfin 2024

Tge strategia ha il chantun per ils onns 2021 – 2024? Tge temas duain star en il center da la politica? Questas dumondas vegnan respundidas en in rapport che la cumissiun per politica da stadi e strategia (KSS) ha fatg. Deputadas e deputads han acceptà quel e cunquai mussà la via a la regenza.

Autur: Nadja Cadonau

La repartiziun da las incumbensas è clera: Il Cussegl grond fixescha ils temas gronds per la proxima legislatura e dat cunquai avant la strategia politica dal chantun. Sin basa da quest rapport po la regenza definir ses program pli concret co realisar questas finamiras ed era far ina planisaziun da finanzas.

1. Avair in’administraziun schlanca e moderna

2. Esser in lieu attractiv per firmas e privats

3. Sustegnair ils centers e la periferia

4. Rinforzar il turissem e diversifitgar l’economia

5. Avair finanzas solidas

6. Mantegnair la forza idraulica e promover energias regenerablas

7. Daventar mobil a moda persistenta puncto traffic

8. Nizzegiar la digitalisaziun

9. Planisar il svilup dal territori e proteger l’ambient

10. Garantir in sistem da sanadad decentral

11. Promover la cuminanza e la solidaritad en la populaziun

12. Crear l’avegnir da scolaziun e furmaziun

13. Rinforzar la varietad culturala e linguistica

14. Minimar privels da la natira

Controllar la regenza – sche las finamiras vegnan cuntanschidas – gliez è lura puspè chaussa da la cumissiun per la strategia e politica statala dil Cussegl grond (KSS).

audio

Cussegl grond ha fixà finamiras fin il 2024

ord Novitads dals 29.08.2019.

laschar ir. Durada: 1 minuta 2 Secundas.

RR novitads 10:00

Header

Cussegl grond Fixà las finamiras enfin 2024

Las 14 finamiras per 2021 – 2024

Artitgels legids il pli savens

Las 14 finamiras per 2021 – 2024

Artitgels legids il pli savens

Tschertga

Navigaziun principala