Siglir tar il cuntegn

Header

Pil mument è qua en la Grabenstrasse a Cuira anc l'uffizi per construcziun bassa.
Legenda: L'uffizi per construcziun bassa Il mument è qua en la Grabenstrasse a Cuira anc l'uffizi per construcziun bassa. Keystone
cuntegn

Cussegl grond Il 2025 duai la nova dretgira avair ses biro

Er las deputadas ed ils deputads dal Cussegl grond han sustegnì la cumissiun da giustia e segirezza e lur pretensiun, ch'il chantun tractia las localitads da la nova dretgira cun prioritad. L'istorigia davos questa incumbensa è la suandanta: Cun la refurma da giustia 3 duain la dretgira chantunala e la dretgira administrativa vegnir messas ensemen tar ina dretgira superiura. En quella duain er tuts pudair lavurar en il medem lieu. En discussiun stat il bajetg da l'Uffizi per construcziun bassa dal chantun en la Grabenstrasse a Cuira.

Retard da Sinergia

Il problem è dentant: Entras recurs sco er entras la pandemia da corona è il project da l'administraziun chantunala Sinergia sa retardà per 4 onns cumpareglià cun la planisaziun oriunda. Sche la strategia d'immobiglias planisada per Cuira vegniss cuntinuada senza midadas, pudess ina dretgira superiura retrair l'edifizi il pli baud l'onn 2030 perquai che l'uffizi da construcziun bassa na po betg bandunar il bajetg. Perquai saja grev da garantir che la nova dretgira possia gia sin la nova perioda d'uffizi dals derschaders, pia sin l'onn 2025, avair la sedia.

La cumissiun da giustia dal Cussegl grond ha dentant uss incumbensà la regenza da tractar quella sedia cun prioritad ed independentamain da la strategia d'immobilias dal chantun.

RTR novitads 06:00

Artitgels legids il pli savens

Scrollar a sanestra Scrollar a dretga