Siglir tar il cuntegn

Header

cuntegn

Cussegl grond Ina tabula «mez» rasa per la dretgira?

Quatter derschadras e derschaders actuals vulan vegnir reelegids en lur uffizi a la Dretgira chantunala. Quels survegnan dentant concurrenza da trais candidats novs. Pia 7 candidats per 6 posts. E quel che vegn probablamain a stuair laschar las plimas è il derschader Peter Schnyder – quel derschader ch'era il pli ferm involvì en las dispitas da la Dretgira chantunala e che ha accusà Norbert Brunner, il president da la dretgira, dad avair sfalsifitgà in document.

Peter Schnyder ha schlettas chartas. Per l'ina perquai che la cumissiun da giustia dal Cussegl grond cusseglia al parlament, da betg reeleger el. Ils presidents da las partidas han er confermà envers RTR che lur deputadas e deputads vegnian probablamain a suandar quella proposta. Gnanc da l'atgna partida, la PBD, vegn Schnyder anc sustegnì. Er la PBD ha purtà cun Alexander Moses in nov candidat, perquai ch'ella faschess gugent ina tabula rasa tar la Dretgira chantunala.

audio
Il Cussegl grond elegia oz ils derschaders per la Dretgira chantunala
ord Actualitad dals 27.08.2020.
laschar ir. Durada: 4 minutas 48 Secundas.

Ina dretgira mez nova?

Sche Schnyder na vegn propi betg elegì avessan la PS, la PPS e la PBD almain ina mez nova dretgira. Las trais partidas avevan gia ordavant annunzià, ch'ellas avessan il pli gugent ina tabula rasa, ina dretgira dal tuttafatg nova cun novas fatschas per pudair cumenzar da nov.

Auter fiss quai stà sche Davide Pedrotti, il derschader actual, na fiss betg sa retratg la mesemna en l'ultima minuta. Lura avess quai probablamain dà in cumbat tranter Pedrotti ed il candidat proponì da la PBD Alexander Moses (PCD). Er Pedrotti fiss ì en il cumbat senza sustegn da sia partida la PPS – er el fiss stà in'unfrenda dal giavisch suenter ina nova entschatta en la dretgira. Pedrotti è dentant dischillusiunà dal sistem politic ed ha perquai decidì da sa retrair, uschia che er las elecziuns han pers in zic lur brisanza.

RTR actualitad 07:00

Artitgels legids il pli savens