Siglir tar il cuntegn

Header

Il nov president da la regenza Marcus Caduff.
Legenda: Marcus Caduff Il nov president da la regenza Marcus Caduff. Keystone
cuntegn

Cussegl grond Marcus Caduff daventa president da la regenza

Marcus Caduff presidiescha a partir dal 2022 la regenza grischuna. Deputadas e deputads han elegì el cun 91 vuschs (da 93 vuschs valaivlas).

Marcus Caduff (Allianza dal Center) daventa il 2022 per l'emprima giada president da la regenza grischuna.

audio
La gronda finamira da Marcus Caduff durant ses onn presidial
00:09 min, RTR Audio dals 16.06.2021.
laschar ir. Durada: 00:09 minutas.

Marcus Caduff

Avrir la boxSerrar la box
  • ha 48 onns
  • abita a Morissen ed a Domat
  • è agronom
  • è vegnì elegì en la regenza l'onn 2018
  • è schef dal Departament d'economia e fatgs socials

Deputadas e deputads han demussà grond sustegn tar sia elecziun: 91 da 93 vuschs valaivlas è in bun resultat. Quai mussa era il sguard en las elecziuns dals ultims onns.

Vicepresident da la PS

En roda sco vicepresident vegn Peter Peyer da la PS. Er per el èsi ina premiera – el è vegnì elegì il medem onn sco Marcus Caduff en la regenza, numnadamain il 2018. Peyer ha survegnì da las deputadas e dals deputads 100 da 101 vuschs.

Peter Peyer

Avrir la boxSerrar la box
  • ha 55 onns
  • abita a Trin
  • è secretari da sindicat
  • è vegnì elegì l'onn 2018 sco cusseglier guvernativ
  • è schef dal Departament per giustia, segirtad e sanadad

Cun l'elecziun da Marcus Caduff è la sessiun dal parlament grischun ida a fin a Tavau. Il tema central dals trais dis è stà il rapport da la PUK – las deputadas ed ils deputads al han prendì per enconuschientscha e discutà.

audio
Per tadlar curt e cumpact – la sessiun
00:43 min, RTR Audio dals 16.06.2021.
laschar ir. Durada: 00:43 minutas.

RTR novitads 14:00

Artitgels legids il pli savens

Scrollar a sanestra Scrollar a dretga