Il Cussegl grond va puspè extra muros per sia proxima sessiun. Il december s'inscuntran deputadas e deputads a Tavau. La situaziun enturn il coronavirus na lubeschia betg da far las debattas sco usità en la sala dal Cussegl grond a Cuira. Là avess ins duvrà ina lubientscha speziala, perquai ch'ins na po buc tegnair la distanza. Quai ha la conferenza da presidents decis il glindesdi en sia sesida, scriva la Südostschweiz.
La sessiun dals 7 enfin ils 10 da december ha lieu senza public – dentant cun in livestream online. Schurnalistas e schurnalists dastgan esser preschents.
Insumma èn las debattas dal parlament chantunal stadas sut l'ensaina da la pandemia quest onn: La sessiun d'avrigl era vegnida stritgada, las sessiuns dal zercladur ed avust han lura gì lieu extra muros en la halla da la citad a Cuira. L'october eran deputadas e deputads lura turnads en la sala dal Cussegl grond – quai cun purtar mascra ed uss pia extra muros a Tavau.
Gia suenter la sessiun d'october avevan deputadas e deputads ed er il pli aut Grischun Martin Wieland ponderà co vinavant:
