Siglir tar il cuntegn

Header

video
Martin Candinas daventa il pli aut svizzer il 2023
Or da Telesguard dals 30.11.2020.
laschar ir
cuntegn

Cussegl naziunal Candinas daventa il pli aut svizzer il 2023

Martin Candinas è vegnì elegì sco il segund vicepresident dal Cussegl naziunal, quai cun 154 da 170 vuschs valaivlas. Il politicher da la PCD, oriund da Rabius sesa dapi il 2011 en il Cussegl naziunal.

Per mai è quai propi il punct culminant da mia via politica.
Autur: Martin CandinasCusseglier naziunal

Martin Candinas era vegnì nominà avant in'emna da la fracziun da mez sco candidat. Tenor turnus po quella metter il 2023 il president dal Cussegl naziunal.

Cun il Sursilvan vegn suenter 35 onns puspè in rumantsch a presidiar il Cussegl naziunal. Sias qualitads per il post vesa Candinas en ses 9 onns d'experientscha ch'el sesa entant en il parlament federal a Berna. Plinavant haja el ina buna rait da contact ed er il manar tutgia gia pli ditg tar ses mintgadi, ha el ditg envers RTR.

Andreas Aebi (PPS) è il nov president dal Cussegl naziunal

Per il proxim onn è il politicher bernais da la PPS Andreas Aebi (62) vegnì elegì sco il pli aut svizzer, quai cun 178 da 183 vuschs valaivlas. Aebi è dasper politicher er pur, aucziunari e possessur d'in biro da viadi.

Tge funcziun ha il president dal Cussegl naziunal?

Textbox aufklappenTextbox zuklappen

Il president dal Cussegl naziunal maina las debattas en il cussegl, fixescha l'urden dal di da las sessiuns, maina il biro dal cussegl e represchenta la chombra gronda envers anora. Tar fatschentas s'exprima el u ella per regla be sch'i dovra ina decisiun da tagl.

Alex Kuprecht (PPS) presidiescha il Cussegl dals chantuns

Il Cussegl dals chantuns vegn presidià l'auter onn dad Alex Kuprecht (PPS). Il politicher da Sviz è vegnì elegì cun 43 da 43 vuschs valaivlas. Kuprecht sesa dapi 17 onns en la chombra pitschna.

RTR novitads

Artitgels legids il pli savens

Scrollar a sanestra Scrollar a dretga