Siglir tar il cuntegn

Chantun Cussegliaziun da babs e mammas vegn schlargiada

En il Grischun duain geniturs en l'avegnir pudair far diever da la cussegliaziun per uffants fin 5 onns e betg mo pli fin 3 onns sco fin qua. La regenza grischuna ha fatg ina nova cunvegna da prestaziun cun la KJBE, l'uniun che porscha quella cussegliaziun per babs e mammas.

mauns din uffant che fa termagls cun legos.
Legenda: Anc uss datti ina largia tar la purschida per cussegliar geniturs d'uffants da 4 e 5 onns. Pixabay

Sco quai ch'il chantun scriva, haja in'examinaziun mussà che la purschida da cussegliaziun actuala haja largias. En spezial per geniturs cun uffants da 4 e 5 onns manchia ina cussegliaziun davart tgira, svilup ed educaziun. Quella lucca po vegnir serrada cun schlargiar la purschida.

La KJBE retschaiva dal chantun Grischun in'indemnisaziun annuala da maximalmain 550'000 francs.

RR novitads 10:00